Қазақстан құс өсірушілер одағы 2026 жылдың 23 маусымында XIII Қазақстандық Халықаралық құс өсірушілер форумы — «Poultry Hub Kazakhstan 2026» өтетінін хабарлайды.

Форум офлайн форматта Астана қаласында, Сарыарқа даңғылы 4 мекенжайындағы Radisson Hotel Astana, «Сарыарқа 1» залында өтеді.

Іс-шара туралы

«Poultry Hub Kazakhstan» — тәжірибе алмасуға, инновацияларды таныстыруға және саланың өзекті мәселелерін талқылауға арналған маңызды алаң. Жыл сайын форум жетекші ғалымдарды, тәжірибелі мамандарды, өндірушілерді және сабақтас салалардың өкілдерін біріктіріп, кәсіби қауымдастықтың қалыптасуына ықпал етеді.

Құс шаруашылығындағы еңбек мамандардан жоғары жауапкершілік пен үлкен еңбекқорлықты талап етеді. Олардың еңбегінің арқасында елімізде эпизоотиялық қауіпсіздік қамтамасыз етіліп, халық сапалы әрі экологиялық таза өніммен тұрақты түрде қамтамасыз етіледі.

Қазақстан құс өсірушілер одағы алдағы форум отандық өндірушілердің позициясын нығайтуға, жаңа мүмкіндіктер ашуға және саланың өзекті сын-қатерлеріне тиімді шешімдер табуға маңызды қадам болады деп сенеді.

Форумның негізгі тақырыптары

• құс өсіру және азықтандырудың заманауи технологиялары;
• ветеринария және биологиялық қауіпсіздік;
• құс шаруашылығындағы инновациялық тәсілдер;
• жабдықтар және құс шаруашылығы процестерін цифрландыру.

Маңызы

«Poultry Hub Kazakhstan 2026» форумы — тек кәсіби пікірталас алаңы ғана емес, сонымен қатар саланың болашағына арналған стратегиялық диалог. Қатысушылар өндірістегі өзекті мәселелерді талқылап, тәжірибе алмасып, жаһандық үрдістер тұрғысынан Қазақстан құс шаруашылығының даму перспективаларын қарастыра алады.

Ұйымдастыру деректері

Өткізу күні: 2026 жыл 23 маусым

Өтетін орны: Астана қаласы, Сарыарқа даңғылы 4, Radisson Hotel Astana, «Сарыарқа 1» залы

Ұйымдастырушы: Қазақстан құс өсірушілер одағы

Қатысушыларды тіркеу: сағат 9:00-ден бастап

Аккредитация:

тел.: +7 (7172) 24-85-37

тел.: +7 708 334 07 54

e-mail: ptitcevod@mail.ru