Қазақстан құс өсірушілер одағының жыл сайынғы форумы саланың басты пікірталас және стратегиялық алаңы мәртебесін берік бекітті. 2026 жылы іс-шара халықаралық форматқа дейін кеңейіп, 200-ден астам қатысушының басын қосты. Олардың қатарында құс шаруашылығы кәсіпорындарының басшылары, қаржы институттарының топ-менеджменті және жетекші салалық сарапшылар бар.

ҚР Ауыл шаруашылығы вице-министрі Азат Сұлтановтың айтуынша, мемлекеттік қолдау мен жеке инвестициялардың тиімді ұштасуы салаға қуатты серпін берді. Спикер үш негізгі аспектіге назар аударды: еліміздің құс шаруашылығы өнімдерімен өзін-өзі қамтамасыз ету деңгейі бұрынғы 50%-дан қазіргі 80%-ға дейін өсті. Сонымен қатар, назар аударып отырған басты бағыт — әлі де импортты алмастыруды талап ететін үлесі бар құс еті сегменті болып қала береді. Мемлекет пен бизнес серіктестігінің маңызды мақсаты — ішкі нарықты 100% өзіміздің өніммен қамтамасыз ету ғана емес, сонымен қатар өнімді терең өңдеуді дамыту және қосылған құны жоғары өнімдерді шығару есебінен отандық тауарлардың экспорттық әлеуетін арттыру. Бүгінгі таңда құс шаруашылығы АӨК-нің серпінді дамып келе жатқан секторы ғана емес, сонымен бірге әлеуметтік маңызы жоғары бағыт болып табылады.

Қазақстан құс өсірушілер одағының басшысы Қайрат Маишев бұл форумды өткізу игі дәстүрге айналғанын және биылғы іс-шара сапалық тұрғыдан мүлдем жаңа деңгейге көтерілгенін атап өтті:

«Биылғы форумның ерекшелігі — бір алаңда тек отандық өндірушілер мен мемлекеттік органдардың өкілдері ғана емес, біздің көршілеріміз — Ресей, Беларусь, Өзбекстан, Тәжікстан өкілдері, сондай-ақ Қытай, Германия, АҚШ, Бельгия, Нидерланды және Чехиядан келген серіктестеріміз жиналды. Бүгін біз пікір алмасып, сала дамуының өзекті мәселелері мен негізгі үрдістерін талқылағымыз келеді. Саланы кеңейту бағытында жұмыс істегенде, бізге білім мен бірлескен шешімдер іздеу қажет. Құс шаруашылығы — тәжірибемен, біліммен және озық тәжірибелермен ашық алмасуды талап ететін жоғары технологиялық сала», — деді Қайрат Маишев.

Форумға ауқымды халықаралық сипат берудің стратегиялық маңызы зор. Poultry Hub Kazakhstan 2026 алаңында тек ет пен жұмыртқа өндірушілер ғана емес, сонымен қатар ірі жабдық өндірушілері де кездесті. Бұл қазақстандық бизнеске жаһандық бәсекеге қабілеттілікті нығайту үшін жаңа мүмкіндіктер туғызады.
Форум аясында мемлекеттік органдар мен қаржы институттарының — «Бәйтерек» ҰБХ» АҚ және «Аграрлық несие корпорациясының» (АНК) қатысуымен практикалық дөңгелек үстел өтті.

«Бүгінгі таңда несиелердің, жеңілдікті қаржыландыру бағдарламаларының қолжетімділігіне және оларды алу механизмдеріне ерекше назар аударылуда. Дәл соңдықтан да бұл талқылауға өндірушілерге қолданыстағы қолдау құралдарын түсінуге көмектесетін «Бәйтерек» және Аграрлық несие корпорациясының өкілдері қатысып отыр», — деп түсіндірді Қазақстан құс өсірушілер одағының вице-президенті Ұлан Тәжібаев.

Дөңгелек үстелдің негізгі тезистерінің бірі — шикізаттық бағыттан алшақтау қажеттілігі болды. Қатысушылар ортақ мәмілеге келді: өнімді терең өңдеу, ұзақ өндірістік тізбектер құру және ел ішінде жоғары қосылған құнды қалыптастыру — бизнестің тұрақтылығына апаратын сенімді жол.

Отандық брендтердің көрмесі бұл бағыттың сәтті жүзеге асырылып жатқанының жарқын үлгісі болды. Көрмеде Indeika.kz брендімен күркетауық етінен жасалған өнімдердің кең желісін таныстырған «Ордабасы құс» ЖШС өнімдері ерекше қызығушылық тудырды.

Бұл тауашаның (нишаның) жоғары әлеуетін ҚР Ауыл шаруашылығы вице-министрі Азат Сұлтанов пен Ресей Федерациясы Ауыл шаруашылығы министрінің кеңесшісі (ресейлік мемлекеттік қайраткер) Ольга Абрамова жоғары бағалады. Олар күркетауық етін өндіру және терең өңдеу бірлескен жобаларды құру мен өзара экспорттық дәліздерді кеңейту үшін орасан зор перспективалар ашатынын қадап айтты.

Форумдағы пікірталастардың тағы бір маңызды тақырыбы — құс шаруашылығы саласындағы заманауи ғылыми әзірлемелер болды. Іс-шараға қатысушылар генетика саласындағы инновацияларға, жемшөпті жақсартуға және фабрикалардың биоқауіпсіздігіне ерекше көңіл бөлінгенін атап өтті. Технологиялық және ғылыми шешімдерді енгізу — бұл өндірістің экологиялық тазалығының сапалы жаңа деңгейі.

Экономика, ғылым және ынтымақтастықтан бөлек, Poultry Hub Kazakhstan 2026 форумы маңызды идеологиялық бетбұрысты көрсетті. Сарапшылар мен қатысушылар отандық тамақ өнімдерінің пайдасын насихаттау жөніндегі ауқымды жобаға ерекше, бөлек тоқталды.

Бұл бастаманың мақсаты — қазақстандық тұтынушының санасында дені сау рационның негізі ретінде жаңа, экологиялық таза өнімдерді тұтынудың тұрақты мәдениетін қалыптастыру. Қазақстандық өнімдердің артықшылықтарын танымал ету Құс өсірушілер одағының ұзақ мерзімді дамуының маңызды элементі ретінде танылды.

Poultry Hub Kazakhstan 2026 аясында өткен диалог мемлекеттің, бизнестің, қаржы институттарының және Қазақстанның икемді халықаралық серіктестігінің синергиясы АӨК секторының маңызды бағыты ретінде құс шаруашылығын дамытудың жаңа перспективаларын ашатынын көрсетті.

Еліміздің Құс өсірушілер одағы іс-шара қатысушылары мен форум серіктестеріне алғыс білдіреді!